Dans. Tónlist. Menning. Samfélag.

Sveiflustöðin er dansskóli sem sérhæfir sig í sveifludönsum sem dansaðir eru við iðandi djasstóna í anda þriðja og fjórða áratugarinns. Hér má nefna dansa á borð við lindy hop, charleston og balboa en einnig boogie woogie og solo jazz auk annarra dansstíla.

Við bjóðum upp á fjölbreytt og metnaðarfull námskeið sem henta bæði byrjendum sem og reyndari dönsurum.

Námskeið í vor

9

Lindy Hop 1

Byrjendanámskeið í sveifludansinum Lindy Hop með áherslu á frelsi og skemmtun.

Grunnspor dansins verða kennd þannig að nemendur fái tilfinningu fyrir tónlistinni og hreyfingunni í dansinum. Lögð er áhersla á að nemendur finni fyrir frelsinu og skemmtuninni sem felst í dansinum.

Engin fyrri dansreynsla er nauðsynleg fyrir þetta námskeið.

Námskeiðið hefst 15. febrúar 2026

9

Lindy Hop 2

Grunnnámskeið í helstu formum Lindy Hop dansins

Námskeiðið fer yfir helstu formin í Lindy Hop og hvernig má leika sér með þau til að fá ógrynni af sporum og hreyfingum úr einföldum grunni.

Námskeiðið hefst 11. janúar 2026

9

Lindy Hop 3

Lokagrunnnámskeið í Lindy Hop

Námskeiðið klárar grunn nemenda í Lindy Hop með ýmsum sporum sem allir ættu að kunna, þar á meðal mest einkennandi spor dansins, Lindy hringinn og útsveifluna.

Námskeiðið hefst 15. febrúar 2026

9

Lindy Hop 4

Skemmtun og gaman, tæknilega séð.

Farið verður yfir öll helstu atriði góðrar tækni í Lindy Hop. Fyrir hvert tækniatriði verða æfingarnar skemmtileg spor sem er hægt að nýta á dansgólfinu. Þetta námskeið er kennt einu sinni á ári og er hugsað þannig að hægt sé að taka það oft til þess að pússa tæknina þar til hún glansar eins og spegill.

Námskeiðið hefst 22. mars 2026

9

Lindy Hop 5

Útsveifla, útsveifla, útsveifla!

Frægasta og mest einkennandi spor dansins, útsveifluna, er hægt að dansa á ótal margan hátt. Námskeiðið fer yfir helstu afbrigðin þannig að þú getir sveiflað þér út í rauðan dauðann.

Námskeiðið hefst 3. maí 2026

9

Charleston 3

Lokanámskeið í Charleston

Námskeiðið kannar allar helstu listir Charleston dansins þannig að nemendur geti talist meistarar Charleston dansins og haldið út um höf og lönd til að sigra heiminn!

Námskeiðið hefst 11. janúar 2026

9

Sóló Jazz rútínur

Á þessu námskeiði munu nemendur læra solo jazz rútínur, þar sem farið verður yfir nokkrar af helstu jazz rútínum sveiflutímabilsins. Námskeiðið er í nokkrum hlutum og er hægt að skrá sig í staka rútínu eða alla vorönnina.

Solo jazz rútínurnar sem verða kenndar á vorönn eru:
– Jitterbug stroll
– Big Apple

Tónlistin

Dans væri lítils virði ef ekki væri fyrir tónlistina. Sveiflustöðin hefur tekið saman fjölbreytta spilunarlista inni á Spotify þar sem finna má ljúfa sveiflutóna frá frábærum listamönnum á hinum ýmsu tímabilum.

Sýnishorn af spilunarlistum Sveiflustöðvarinnar má finna hér að neðan sem og hlekk á reikning Stöðvarinnar á Spotify.

Spotify